ورد الدار

[عقاب اسماعيل بحمد]

سبحان ربي القادر الوهاب

يعطي النعم والخير دون حساب

زرعتك ياورد الدار جنب الدار

فلفل بلح زيتون والعناب

قطعت قلب الصخر صار حجار

مداميك تعلا وفوق منها عتاب

وعرفت كيف الطفل نسر وطار

ومثله انا بالحلم ارجع شاب

وعرفت كيف الزرع صار غمار

وكيف الورد يحمل عطر لتراب

يهدي الايادي واسرة العطار

وكيف الليونه تصير اقسى حراب

عند الصعوبه ولجة الاعصار

هديت الورد والعطر للاطياب

ورد بلاشوك يعيش بالاخطار

تغزي غصونك قارصه وانياب

ان سامحت توصم حمرتك بالعار

فتح عيونك ياورد بردك غاب

عطر غصونك بالشذا للجار

لاتخاف غدر الفار عنك تاب

ورد ان لاموني او رموك بنار

تيقى الكريم وكارهك كذاب

سقيتك مياهي والعرق امتار

هديتك لاغلى الناس والاحباب

جدد شبابك جود ليل نهار

عيش بامان وطهرك الغلاب

لفحة هوا ما بتسكر الخمار

ولا تلوم طير البوم مهما جاب

بكف الصداقه عانق الختيار

ازهى بورودك اضحك وغني

عندك شباب ان غاب يوم عقاب
***
الشاعر اللبناني

ابو شوقي